મારી ઓળખ

હું, કીર્તિદા સુધીર પરીખ મારા ગુજરાતી બ્લોગ પર આપ સહુ મિત્રો ત્થા સ્નેહીઓનું હાર્દિક સ્વાગત કરું છું.

મારી રચનાઓ અને સંવેદનાઓને આવકારવા અને સમજવા સહુને હાર્દિક આમંત્રણ પાઠવું છું. આપ સર્વે સુધી મારી રચનાઓ પહોંચાડવાના ઉદ્દેશથી  આ બ્લોગનો જન્મ થયો છે.

છેલાં ઘણા વરસથી દુબઈ રહું છું પણ મારૂં મુળ વતન અમદાવાદ. હિન્દી સાહિત્યમાં અનુસ્નાતક છું. લેખનથી મારો બચપણથી જ શોખ રહ્યો છે પણ વ્યવસ્થિત લેખનની શરૂઆત કોલેજકાળથી થઈ એમ કહી શકાય. સાચું પ્રોત્સાહન અને પ્રેરણા મારી પુત્રી ખ્યાતિ ત્થા મારા પતિ ડો. સુધીર તરફથી મળ્યું.

જાણીતા લેખક, વિચારક અને તબીબ એવા અમારા સ્નેહીમિત્ર ડો. વીજળીવાળાએ સલાહ, સુચનો અને લખવાની એક દિશા ચિંધી.

કંઈ ખાસ પ્રકાશિત થયેલ નથી. પણ કેટલીક રચનાઓ સહુની જાણીતી અને માનીતી  રીડગુજરાતી.કોમ પર પ્રકાશિત થયેલ છે. આ માટે શ્રી મૃગેશભાઈનો હાર્દિક આભાર.

મારી રચનાનો બ્લોગ બનાવવાનું નમ્ર સુચન નટવર મહેતા (ન્યુ જર્સી) તરફથી થયું. એમના માર્ગદર્શન અને મદદને કારણે ગુજરાતી બ્લોગજગતના વિકસતા જતા વિશાળ આકાશમાં મારા બ્લોગનો પણ ઉદય થયો.

મારી દીકરી ખ્યાતિ, ઓપ્થેમોલોજીસ્ટ એવા મારા પતિશ્રી ડો. સુધીર, ડો. વીજળીવાળા, શ્રી મૃગેશભાઈ શાહ અને નટવર મહેતાની હું ઋણી છું.

મારી દરેક રચનાઓ સમયાંતરે અહિં  રજુ કરવાનો ઈરાદો છે. આપ સહુના સાથ સહકાર અને સુચનોની આશા સેવું છું. સમય ફાળવી અવાર નવાર મારા બ્લોગને આંગણે આવી એને પવિત્ર કરતા રહેશો એવી અભ્યર્થના છે.

અસ્તુ…!!

કીર્તિદા પરીખ

ઈમેઈલ: kirtidasp@rediffmail.com